الصفحه الرئسية المنتدى دردشه وشات الفيديو العاب اونلاين الراديو نظام نقاط المكافئه التسجيل استعادة العضوية تنشيط العضوية
كل عام وانت بخير
 
 
الرجوع   قهوة المصريين > `*:•. ][ دي جي ولاد الحته ][.•:*¨` > كلمات الاغاني وصور ومواضيع تخص المغنين > كلمـات الأغاني العربية
 
 
كلمـات الأغاني العربية ناس بتكلمو عربي فاضيين بيكتبو كل الكلمات بتعت الاغاني العربية اللي بتتفهم

إضافة رد
 
LinkBack أدوات الموضوع إبحث في الموضوع
 
 
  #1 (permalink)  
قديم 08-15-07, 09:25 PM
الصورة الرمزية AYMONTY
زبون مزاجة عالي
ولد

 
معلومات AYMONTY
معدل تقييم المستوى: AYMONTY زبون يستحق التميز
طربيزة الزبون
Smile سمعونا زغرودة ( أغانى أفراح فلاحى )




الفرح الشعبي والفرح الريفي وجهان لعملة واحدة.. هذه العملة هي (الفرحة الحقـيقية) سواء للعروسين أو الأهل، والفرحة هنا لا تقتصر علي يوم أو ليلة واحدة أو فترة زمنية محددة كما هو الحال في أفراح المدينة في القاعات والنوادي والفنادق.

فمراسم الاحتفال في الأفراح الشعبية والريفية تمتد لأربعة أيام أو أكثر من ذلك، ولكل يوم من هذه الأيام طقوسه وأغنياته الخاصة النابعة من تراثنا الشعبي المصري.
التنجيد و الأثاث
يبدأ الفرح بـ (ليلة التنجيد) حيث يجتمع أهل العروسين للإعلان عن بداية الأفراح واقتراب موعد الزفاف وهنا نسمع أغاني خاصة بهذه المناسبة فنسمع مثلاً
ما تعلي باب الأوضة يا واد يا بنا…
وعلي باب المندره يا واد يا بنا…
وعلي باب القاعة يا واد يا بنا…

ثم تأتي ليلة (نقل الأثاث) من منزل العروسة إلي عش الزوجية، فتنطلق الزغاريد والأغاني من فوق السيارات التي تحمل الأثاث ويبدأ الجميع في الغناء من حول السيارات فنسمع :

افرحي يادي الاوضة.. جياكي عروسه موضة...

افرحي يادي المندرة.. جياكي عروسه سكرة...

افرحي يادي القاعة.. جياكي عروسه الساعة...

وما أن يقتربوا من المنزل الذي سيجمع العروسين حتى نسمع :

رشوا الشارع ميه.. عروسة الغالي جاية .

رشوا الشارع كاكولا.. عروسة الغالي منقولة.

ايوة يا حارة ضالمة .. أجنا اللى نورنا

أيوة يا حارة هس هس .. أحنا اللى عمالنلكم حس

ليلة الحنة
ثم يأتي بعد ذلك مظاهـر الاحتفال بالحنة أو(ليلة الحنة) والتي تكون غالبا في بيت العروسة فنجد العروسة تجلس وسط صديقاتها وتتولى إحدى السيدات رسم الحناء علي يديها، ويبدأ أهلها وأقاربها في الغناء علي دق الطبلة فنسمع

مدي ايدك يا عـروسه.. مدي ايدك للحنة...

مدي ايدك يا عـروسه.. مدي ايدك وتحنَي...


وكذلك تتغنى السيدات طلبا للعريس

بس الوله يجي.. بس الولة يجي...

يجي عالمحطه.. وادبحلوا بطة...

يجى عند دارنا .. وادبحلة حمامنا ، واشاورلة يجى

يجي عالتسريحة.. وأحطلوا ريحه...

وإسكاتا للأب تغني السيدات

يحيا أبوها يحيا.. يحيا أبوها يا جدعان...

يحيا أبوها وشنبه.. اللي ما حدش غلبه...


وطبعا مالناش الحق نسال اللي أبوها حالق شنبه يعمل إيه.

أما في منزل العريس فالأمر لا يختلف كثيراً فنجد فيه (حفلة وداع العزوبية) وهنا نجد أصدقاء العريس يغنون له فيقول أحدهم

حلال عليك ست الحلوين.. عرفت يا عريسنا تنقي...

رشوا الملح يا ناس م العين.. ورقصوني ده أنا من حقي...

الليلة ليلة هنا وسرور.. وكوبيات في صواني بدور...

ومالناش دعوة باه الكوبيات دي فيها إيه
أدحرج واجري يا رمان
ونصل إلي ليلة الفرح الكبرى .. ليلة الزفاف أو ( ليلة الدخلة ) .. فالأنوار معلقة في بيت العروسين .. أصدقاء العروسة يحيطون بها في إحدى غرف المنزل حيث تجلس بين يدي " الكوافيرة " فتنطلق أغنية

ما تزوقيني يا ماما.. قوام يا ماما...

ده عريسي هايخدني.. بالسلامه يا ماما...

ومتعرفش بصراحة هي مستعجلة علي إيه، أكنها مخطوبة للسيد نجل.... ولا بلاش


أما بيت العريس فترى نفس المشهد , فأصدقاؤه يحيطون به وهو يرتدي ملابس الفرح وهنا نسمع


يا أولاد بلدنا يوم الخميس..

ها كتب كتابي وابقي عريس..

الدعوة عامة وها تبقي لمة..

وها يبقي ليه في البيت ونيس... يا أولاد بلدنا.


أما في الليل تنطلق الزفة وتبدأ بزغاريد متتالية ثم يبدأ الغناء من الجميع، فقد وصلت الفرحة ذروتها، فعلي نغمات الفرق الموسيقية نسمع :

بسم الله الرحمن الرحيم وهنبدأ الليلة.. آه.. آه ..

دة عريسنا الزين كحيل العين وعروستة حلوة وجميلة
حنقول يا ليل، ونقول ياعين..
حصوة في عينك ياللى
ياللى ما تصلى ، ماتصلى على النبى
ثم يبدءون في

صلي.. صلي.. ع النبي صلي

واللي ما يصلي أبوه أرملي.. صلي

وكذلك

أدحرج واجري يا رمان.. وتعالي علي حجري يا رمان..

دانا حجري حنين يارمان.. يخدك ويميل يا رمان..


ونسمع أيضا اشهر الأغاني الشعبية

دقوا المزاهر يلا.. يأهل البيت تعالوا

جمع ووفق والله.. وصدقوا اللي قالوا

عين الحسود فيها عود يا حلاوة..

عريس قمر وعروسته نقاوة..

واحنا الليلة دى كدنا الأعادي.


وعند توصيل العروسين تزف العروسة بـ

طالعة السلالم يا مشا الله عليها..

ست العرايس والعريس في أيديها.

المنافسة مشتعلة
أما الطريف أننا نسمع أغاني كثيرة تعبر عن المنافسة بين أهل العريس أهل العروسة فلكل جانب أغنياته.

فأهل العريس ينشدون

خدناها ..خدناها ..

طلبناها م الصيف الماضي.. وأبوها ما كنش راضي..

وعلشنها بعنا الأراضي.. الحلوة اللي كسبناها..

خدناها بالملايين.. وهما ما كـنوش راضيين..

علشنها بعنا الفدادين.. الحلوة اللي كسبناها.


أما أهل العروسة يغنون

اوعيلوا يابت اوعيلوا.. الضابط يبقي زميله...

اوعالها يا واد اوعالها.. ده العمدة يبقي خالها...

وتستمر هذه الأغاني وسط فرحة الأهل والأحباب حتى تنتهي الزفة ومعها تنتهي الأغنيات في هذه الليلة لتبدأ في مكان آخر إعلانا عن ميلاد فرحة جديدة في منزل جديد .

ودلوقتى علشان تبقو مستعدين للفرح اتفضلو شوية الأغانى دول

أمسك يالا حرامى – حلق يالا حرامى
مالك يا بت انتى وهية على الشباب رايحة وجاية مافيش جواز النوبة دية وامسك يالا ( حرامى – حرامى )
مالكم كدة يا بنات هايمين على الشباب رايحين جايين مافيش جواز واغسلو مواعين وامسك يالا ( حرامى – حرامى )
شوف الشباب التعبانة بتحب البت المليانة وراحت عليكى يا نشفانة وأمسك يالا ( حرامى – حرامى )
شوف الشباب الفقرية بتحب البت الغجرية وراحت عليكى يا بلطية وأمسك يالا ( حرامى – حرامى )
شوف البنات التعبانة بتحب الواد أبو لبانة وراحت علينا يا رجالة وأمسك يالا ( حرامى – حرامى )
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ
يا سلام يا سلام على المحبة والغرام
في بنات تسعد تريح وبنات تودى اللومان
هجبهالكو على بلاطة البنات خلوها بطاطة اللى امها رايحة الخياطة وهى مواعدة عشر جدعان
هجبهالكو على طبلية البنات خلوها ملوخية اللى امها رايحة الكلية وهى مواعدة ابن الجيران
أول يوم انا رايحة النادى تانى يوم انا رايحة النادى البنات ذى الزبادى تاكلها وتصبح جعان
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ
يا ليالى ياليالى يا ليالى ياليالى الفرح تعالى
وقفنا النمل طابور ( يا ليالى ) ركبنا الفيل حانطور ( يا ليالى ) أكلنا الفرخة جاتوة ( يا ليالى ) لابسنا المعزة مايوة
ماما نجوى صباح الخير( يا ليالى ) ماما نجوى مساء الخير ( يا ليالى ) ماما نجوى فكر ثوانى ماما نجوى تكسب صوانى
أنا شايف طبلة وزار ( يا ليالى ) وشباب بتولع نار ( يا ليالى ) دة الحزن في سطرين والباقى كلة هزار
كتاب حياتى يا عين ( يا ليالى ) ما شفت زية كتاب ( يا ليالى ) الحزن في سطرين والباقى كلة حنان
أنا شايف زينة ونور ( يا ليالى ) وعريس ( وشباب ) حلو وأمور ( يا ليالى ) دة الحزن في سطرين والباقى كلة زهور
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ
أدلع يا عريس يا ابو لاسة نايلون أدلع يا عريس وعروستك نايلون
الواد أحمد دة حماتة حباة ( لاى لاى ) من صغرة راحة جاية وراة وبتديلى على قفاة أبو لاسة لاسة نايلون
الواد أحمد دة حلو وزين( لاى لاى ) أحترت اجبلة انا اكل منين تدة داهية في طقة ياكل حمارين أبو لاسة لاسة نايلون
الواد أحمد ركب الحنطور( لاى لاى ) وزمايلة واقفين لة طابور بيقولولة يا ابو بربور أبو لاسة لاسة نايلون
الواد أحمد دة كلة شباب( لاى لاى ) ومراتة واقفالة على الباب واقفة ومسكالة القبقاب أبو لاسة لاسة نايلون
ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
ليلا ليل لايل لا يلا - لا لايل لايلا ليلى ليلا
ودخلت زراعة برجليا ودخلت ولا سمو عليا وخرجت منها بعد سنين لابس سديرى وجلابية
ودخلت بطرى برجليا ودخلت ولا سمو عليا وخرجت منها بعد سنين باربع رجول وليا
ودخلت طب برجليا دخلت ولا سمو عليا وخرجت منها بعد سنين فشلت في اول عملية
ودخلت حقوق برجليا ودخلت ةلا سمو عليا وخرجت منها بعد سنين خسران اول قضية
ودخلت جيولوجيا برجليا ودخلت ولا سمو عليا وخرجت منها بعد سنين ماسك حجارة بايديا
ــــــــــــــــــــــــــــــــــــــــــــــــــ ـــــــــــــــــــــــــــــــــ

الموضوع دة والله يا جماعة انا اللى كتابتة لما فية من الأهمية علشان اوقات كتيييير ممكن الدى جى يقطع تقوم انت تشتغل بس اوعى يكون صوتك وحش وتودينا في داهية وتقول ايمن هوة اللى قالى الف مبروك لكل اللى هايتجوز وعقبالى يا رب
وسمعونا بقى احلى ردود ولو حد منكم حافظ اغانى من النوعية دة يا ريت يضيفها

التوقيع :
رد مع اقتباس
 
 

 
 
  #2 (permalink)  
قديم 08-16-07, 03:37 AM
الصورة الرمزية Rana
زبون مفتح وحرك
ولد

 
معلومات Rana
معدل تقييم المستوى: Rana زبون يستحق التميز
افتراضي رد: سمعونا زغرودة ( أغانى أفراح فلاحى )

هههههههههههه
بجد التوبيك تحفة كيوووووووووت

تسلم ايدك

تحياتي

التوقيع :
<<<<< LuV yA >>>>>
اصعب شيء ان يموت بعينك انسان .. وهو حــي
رد مع اقتباس
 
 
 
 
  #3 (permalink)  
قديم 01-05-08, 05:39 AM
زبون محتار يطلب ايه
ولد

 
معلومات شهد31282
معدل تقييم المستوى: شهد31282 زبون يستحق التميز
طربيزة الزبون
افتراضي رد: سمعونا زغرودة ( أغانى أفراح فلاحى )

انت فكرتنى بأهلى فى مصر والأغانى ايلى كانوا بيغنوهالى فى فرحى
وانا كنت بغنى فى فرحى : وادحرج واجرى يارمان وتعالى على حجرى يارمان ، ده انا حجرى حنين يارمان، يخدك ويميل يارمان، يارمانة واحدة جايلى الساعة واحدة .
هههههههههههههههههه بجد ميرسىىىىىىىىىىىىىىىى

رد مع اقتباس
 
 
 
 
  #4 (permalink)  
قديم 01-10-08, 11:04 PM
الصورة الرمزية pikorap
زبون مزاجة عالي
ولد

 
معلومات pikorap
معدل تقييم المستوى: pikorap زبون يستحق التميز
طربيزة الزبون
Talking رد: سمعونا زغرودة ( أغانى أفراح فلاحى )

اقتباس:
المشاركة الأصلية كتبت بواسطة شهد31282 مشاهدة المشاركة
وانا كنت بغنى فى فرحى : وادحرج واجرى يارمان وتعالى على حجرى يارمان ، ده انا حجرى حنين يارمان، يخدك ويميل يارمان، يارمانة واحدة جايلى الساعة واحدة .

ههههههههههههههههههههههة


وانا بقول
ادحدح روح سينما
العبلك دور ضومنة
الجارة الا قصادك بتشغلك عبرة
من تقلك وعنادك قربت ططيرة
عايز تروح النت اركب سوبر جت

هعهعهعهعهعهعهعههعهعهعهعهعهعهعهع



التوقيع :
رد مع اقتباس
 
 
 
 
  #5 (permalink)  
قديم 02-23-08, 02:41 AM
زبون محتار يطلب ايه
ولد

 
معلومات dadayasser
معدل تقييم المستوى: dadayasser زبون يستحق التميز
افتراضي رد: سمعونا زغرودة ( أغانى أفراح فلاحى )

مشكور جدا جدا يا نجم وياريت المزيد

رد مع اقتباس
 
 
 
 
  #6 (permalink)  
قديم 04-26-08, 11:20 AM
زبون محتار يطلب ايه
ولد

 
معلومات الجوال
معدل تقييم المستوى: الجوال زبون يستحق التميز
طربيزة الزبون
Smile رد: سمعونا زغرودة ( أغانى أفراح فلاحى )

مســـــــــــــــــــــــــــــــــــــاء الفل عليكم جميعا الجوال:thumbup :

رد مع اقتباس
 
 
 
 
  #7 (permalink)  
قديم 05-03-08, 08:04 AM
زبون بدأ يعمل قلق
ولد

 
معلومات masre4ever
معدل تقييم المستوى: masre4ever زبون يستحق التميز
افتراضي رد: سمعونا زغرودة ( أغانى أفراح فلاحى )

مشكور جدا جدا

رد مع اقتباس
 
 
 
 
  #8 (permalink)  
قديم 05-06-08, 11:08 PM
زبون محتار يطلب ايه
ولد

 
معلومات dadayasser
معدل تقييم المستوى: dadayasser زبون يستحق التميز
افتراضي رد: سمعونا زغرودة ( أغانى أفراح فلاحى )

لو ممكن الاغانى الفلاحى للاهميه ولكم منى كل تقدير واحترام

رد مع اقتباس
 
 
 
 
  #9 (permalink)  
قديم 06-11-08, 01:19 AM
زبون محتار يطلب ايه
ولد

 
معلومات moha2002
معدل تقييم المستوى: moha2002 زبون يستحق التميز
افتراضي رد: سمعونا زغرودة ( أغانى أفراح فلاحى )

ممممممممشششششششككككووور

رد مع اقتباس
 
 
 
 
  #10 (permalink)  
قديم 06-11-08, 02:10 AM
زبون محتار يطلب ايه
ولد

 
معلومات moha2002
معدل تقييم المستوى: moha2002 زبون يستحق التميز
افتراضي رد: سمعونا زغرودة ( أغانى أفراح فلاحى )

ممممممممممممشششششششكككور

رد مع اقتباس
 
 
 
 
  #11 (permalink)  
قديم 06-11-08, 02:11 AM
زبون محتار يطلب ايه
ولد

 
معلومات moha2002
معدل تقييم المستوى: moha2002 زبون يستحق التميز
افتراضي رد: سمعونا زغرودة ( أغانى أفراح فلاحى )

مممممممشششششششكككككووووور

رد مع اقتباس
 
 
 
 
  #12 (permalink)  
قديم 06-19-08, 03:20 AM
زبون محتار يطلب ايه
ولد

 
معلومات بخاتى دنجل
معدل تقييم المستوى: بخاتى دنجل زبون يستحق التميز
افتراضي رد: سمعونا زغرودة ( أغانى أفراح فلاحى )

فين الاغانى يا حج

رد مع اقتباس
 
 
 
 
  #13 (permalink)  
قديم 07-22-08, 05:06 AM
الصورة الرمزية mary_mina
زبون محتار يطلب ايه
ولد

 
معلومات mary_mina
معدل تقييم المستوى: mary_mina زبون يستحق التميز
افتراضي رد: سمعونا زغرودة ( أغانى أفراح فلاحى )

مشكووووووووووووووووووووووووووووور

رد مع اقتباس
 
 
 
 
  #14 (permalink)  
قديم 07-26-08, 12:08 PM
الصورة الرمزية لؤلؤه الجميله
زبون بدأ يعمل قلق
ولد

 
معلومات لؤلؤه الجميله
معدل تقييم المستوى: لؤلؤه الجميله زبون يستحق التميز
افتراضي رد: سمعونا زغرودة ( أغانى أفراح فلاحى )

شكر جامد جدا ليك على التوبيك الجميل ده

التوقيع :
رد مع اقتباس
 
 
 
 
  #15 (permalink)  
قديم 07-26-08, 09:37 PM
زبون محتار يطلب ايه
ولد

 
معلومات هانى عزيز
معدل تقييم المستوى: هانى عزيز زبون يستحق التميز
طربيزة الزبون
Thumbs up رد: سمعونا زغرودة ( أغانى أفراح فلاحى )

بصراحة ممتعة جدا جدا

رد مع اقتباس
 
 
إضافة رد

مواقع النشر (المفضلة)

الكلمات الدلالية (Tags)
معانى, أفراح, سمعونا, زغرودة, فلاحى


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

ابحث عالسريع وأنجز


تعليمات المشاركة
مش هتقدر ترزع مواضيع جديدة
مش هتقدر ترد على المواضيع
مش هتقدر ترفق ملفات
مش هتقدر تعدل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع صاحب الموضوع الركن مشاركات آخر مشاركة
ألبوم أغاني أفراح فلاحي mp3 - تحميل مباشر - الالبومات الكاملة الارزه ركن المواضيع المكررة 3 03-09-10 04:27 PM
ألبوم أغاني أفراح فلاحي mp3 - تحميل مباشر - الالبومات الكاملة salmanour49 ركن المواضيع المكررة 0 12-16-09 09:03 PM
زغرودة .. (( الفلكلور العربي )) NeGm Masr بوابه مصر للعالم .. تاريخ وجغرافية الشعوب < 4 02-03-09 08:39 AM
قصة قصيرة:(زغرودة حلوة) صمت الجبال كان يا مكان 0 10-24-08 02:37 PM
سمعونا بتسمعوا ايه المعلمه سماسم تفرفر وأسمع أجنبي 22 07-20-08 01:51 PM


ساعة القهوة دلوقتي: 01:59 PM


Powered by vBulletin® Version 3.8.7 Copyright ©2000 - 2014, Jelsoft Enterprises Ltd.
SEO by vBSEO 3.6.1
جميع المواضيع والمشاركات المكتوبه لا تعبر بالضروره عن وجهة نظر الموقع وإنما عن وجهة نظر الاعضاء وكاتبها .